Evento

SonDeSeu celebra o seu 20 aniversario cun concerto en Vigo

2022-05-12
20:30 h
Teatro Afundación / Rúa Policarpo Sanz, 13
Na actualidade 'SonDeSeu' está composta por 60 persoas.
photo_camera Na actualidade 'SonDeSeu' está composta por 60 persoas.
O concerto de celebración dos vinte anos en activo de SonDeSeu terá lugar no Teatro Afundación

A Orquestra Folk de Galicia SonDeSeu festexará os seus vinte anos en activo cunha serie de concertos, comezando polo de hoxe, en formato acústico sen amplificación.

SonDeSeu comezou a súa andaina hai dúas décadas como unha actividade de conxunto instrumental coa intención de facer e compartir, colectivamente, a música tradicional galega.

A agrupación explora a fusión e mestura das músicas de creación colectiva con elementos contemporáneos desde unha visión orixinal que se aproxima, ás veces, ás expresións da música culta.

Ao tempo, desde a perspectiva educativa, crea sinerxías poderosas e un tramado completo tanto á hora formativa como á hora de presentar un colectivo sólido e pioneiro en Europa.

Apoia Nós Diario

Se estás lendo de balde este xornal é grazas ás máis de 3.000 persoas subscritoras. A información independente ten un prezo. Apoia un xornalismo galego e sustentábel subscribíndote a Nós Diario ou facéndote mecenas.