A exposición a ceo aberto sobre a Casa de Rosalía poderá verse durante a primeira quincena do mes de xuño na alameda de Pontedeume
A exposición itinerante a ceo aberto comisariada por Pepe Barro poderá visitarse nesta primeira quincena de xuño na contorna da alameda de Pontedeume.
Esta mostra exterior fai un repaso pola historia desta Casa-Museo que se abriu ao público o 15 de xullo de 1971, en pleno franquismo, grazas á implicación de milleiros de persoas e entidades de todo o país e da emigración.
