Evento

Danza en Oleiros: "Leira" de Nova Galega de Danza

2022-04-29
20:30 h
Auditorio Gabriel García Márquez de Mera / Chelito, 1, Serantes
O entrelazado do corpo e da terra é o eixo da actuación.
photo_camera O entrelazado do corpo e da terra é o eixo da actuación.
A compañía Nova Galega de Danza presentará "Leira" no Auditorio Gabriel García Márquez de Mera 

Leira é o novo espectáculo de danza da compañía Nova Galega de Danza.

Baixo a dirección de Jaime Pablo Díaz, con música de Sergio Moure de Oteyza e coreografía de Ikes Gómez. O corpo e a terra estreitan os seus lazos nun espectáculo de danza e música que nos transporta á dura beleza dos labores do campo.

A muller no centro desta conexión telúrica; día e noite, xornada tras xornada repetida nunha sucesión inesgotábel de estacións.

O sol e a choiva, o vento xeado, crúas paisaxes de intemperie habitadas unicamente por unha coreografía humana de apeiros de labranza, de corpos que cargan e arrastran, que danzan entre os sucos arados na terra.

Pero Leira é tamén a sinxela alegría do traballo feito coas mans, coa valentía do corpo a corpo. A celebración dunha Galiza intemporal e máxica.

Apoia Nós Diario

Se estás lendo de balde este xornal é grazas ás máis de 3.000 persoas subscritoras. A información independente ten un prezo. Apoia un xornalismo galego e sustentábel subscribíndote a Nós Diario ou facéndote mecenas.