Evento

Danza en Carballo: "Intempestiva" de Elahood

2022-07-07
20:00 h
Xardín Municipal / Parque Rego da Balsa
Julia Laport e Sabela Domínguez executan 'Intempestiva'.
photo_camera Julia Laport e Sabela Domínguez executan 'Intempestiva'.
Elahood presenta o seu espectáculo de danza "Intempestiva" no Xardín Municipal de Carballo

Inspirada na obra e na figura da recoñecida autora Xela Arias (galardoada coas Letras Galegas 2021), Intempestiva é un espectáculo de danza para rúa e espazos non convencionais con 17 minutos de duración.

A proposta conta con Julia Laport e Sabela Domínguez na coreografía e interpretación, con Gena Baamonde na dramaturxia escénica e co espazo sonoro a cargo de LLXNTO & Bruno Baw.

Como a poesía de Xela, Elahood sempre está na dúbida de cal é o lugar correcto, rexeitando as formas tradicionais e mostrando unha certa rebeldía na súa creación.

Un limbo no que costa atopar o equilibrio, apostar por unha linguaxe persoal que atende a creación contemporánea baixo os movementos culturais urbanos.

Os puntos de encontro constrúen o resto.

A INFORMACIÓN GALEGA ESTÁ NA TÚA MAN!

Subscríbete ao noso boletín de novas.

Date de alta de balde e recibirás unha selección dos nosos artigos para saberes o que acontece.