Os Xulgados de Primeira Instancia declararon nulo até en nove ocasións o Índice de Referencia de Préstamos Hipotecarios (IRPH) substituíndoo polo Euríbor após o Tribunal de Xustiza da Unión Europea (TXUE) abrise a porta o pasado 3 de marzo a que miles de clientes litigaran contra esta cláusula.
Ademais de modificar o índice de referencia das hipotecas, sumando en moitos casos o diferencial estabelecido en escritura que, ao ser comercializado noutras épocas é moi reducido (de 0,25% ou 0,4%), varias das sentenzas eliminan tamén dos contratos elementos abusivos como a cláusula solo (que chega até 4% nalgúns casos), gastos de notario, rexistro e xestoría, ou as comisións de apertura e vencemento anticipado, entre outras especificacións.
