Os xigantes empresariais, os grandes grupos consolidados, pagaron en 2011 ás arcas públicas 3.012 millóns de euros. Nese ano, os seus beneficios foran de 85.984 millóns de euros. Cinco anos antes, en 2006, estes grandes grupos tributaran 12.673 millóns. Gaños desorbitados máis que beneficiados pola reforma no imposto de sociedades (o que grava os beneficios), segundo sinala El País.
Amplas deducións, beneficios fiscais...as grandes empresas non desaproveitaron a oportunidade que lles puxo en bandexa o goberno de Rodríguez Zapatero en 2007 coa reforma do imposto de sociedades. Unha tarefa na que tiveron o apoio de CIU. Un exemplo que lembra o xornal madrileño: o gravame teórico sobre os beneficios, que era do 35%, rebaixouse o 30%.
