A poucos días das manifestacións convocadas pola Plataforma Nunca Máis nas localidades e comarcas do país contra a sentenza do Prestige, perto dunha trintena de moz@s denunciaron a "impunidade" do fallo xudicial cunha acción simbólica que cubriu de negro as escaleiras da Praza da Quintana en Compostela.
Baixo o lema 'Nunca Máis impunidade' @s moz@s concentradas en réxime de auto-convocatoria despregaron un inmenso manto negro co que quixeron simbolizar a marea de chapapote que hai 11 anos cubría as costas galegas após o accidente do Prestige. Desta maneira @s moz@s lembraron @s transeúntes o maior desastre ecolóxico do país.
