26 de outubro ás sete da tarde

Tino Baz presenta a súa interpretación musical de Rosalía na casa museo da poeta

Se cantas es ti que cantas, o disco do cantor guardés Tino Baz sobre poemas de Rosalía de Castro, chega este sábado, 26 de outubro, á casa museo da poeta, en Padrón. Será no auditorio ás sete da tarde.
tino_baz
photo_camera O cantor guardés Tino Baz en Carril. Foto: cedida.

O traballo recolle 11 cancións a partir dos textos de Rosalía e mais un epílogo do propio Baz. Ademais da guitarra e a voz do cantautor, hai violíns e pianos e acordeóns nunha “apoloxía da liberdade” da escrita da autora de Follas Novas. “Canta de xeito revolucionario sobre aspectos esenciais da condición humana”, explicou a Sermos Galiza cando publicou Se cantas es ti que cantas a pasada primavera.

Agora leva o disco á Casa da Matanza, talvez o lugar máis indicado para acollelo. De feito inclúe un limiar do escritor Anxo Angueira, presidente da Fundación Rosalía de Castro.

Comentarios