O proxecto Semente Trasancos fixo público neste sábado 16 de maio, véspera do Día das Letras, o primeiro poema que Ricardo Carvalho Calero escribiu en galego como homenaxe á súa figura. A Galiza é o título desta composición que a asociación gravou e colgou nun vídeo na plataforma YouTube.
As Escolas de Ensino Galego Semente é "umha iniciativa social sem ánimo de lucro, impulsionada pola Gentalha do Pichel que pretende conformar, junto com outros projetos semelhantes, as bases necessárias para a criaçom da Escola Nacional Galega".
📺 A @SementeTR homenageia Carvalho Calero com a divulgaçom do seu primeiro poema em galego intitulado "A Galiza". Este texto foi publicado na revista "Maruxa" no dia 20 de dezembro de 1925. Carvalho Calero tinha quinze anos.https://t.co/sagAgSyLh3
— Semente Trasancos (@SementeTR) May 16, 2020
Segundo explican, o poema A Galiza foi publicado na revista Maruxa no dia 20 de decembro de 1925 baixo o pseudónimo Ilex. Carvalho Calero tiña daquela 15 anos de idade.
"Ricardinho tem 15 anos quando o escreveu. O poema deixa ver umha influência rosaliana e que o seu galeguismo vem do seu Ferrol natal. Até hoje o poema é inédito", afirman.