campa.- (Ademais doutros significados rexistrados) Prenda de roupa nova, de estrea.
Exemplo.- "Merquei unha campa para pór nas festas."
Lugar de escoita.- Cuntis.
Fonte.- Marcos Seixo.
liquindó.- Roupa trapalleira.
Exemplo.- "Sácateme ese liquindó."
Lugar de escoita.- Castro-Valdoviño (Ferrolterra).
Fonte.- Eva Seoane Martiño.
milfos/as.- Fiaños dos flocos. Anaco de tea moi gastado e roto. Roupa vella, rota e gastada.
Exemplo.- "Vaite mudar e saca eses milfos que non sei quen pareces vestida/o dese xeito."
Lugar de escoita.- Zona de Navia de Suarna.
Fonte.- Endl de Navia de Suarna.
rabuzo.- Bufanda.
Lugar de escoita.- Pazos (Ponteceso).
Fonte.- Antonio García Losada.
rolla.- (Ademais doutros significados) Pano de cociña.
Lugar de escoita.- Bisbarra da Limia.
Fonte.- Rafael Laso Lorenzo.
rusa.- Zapatilla pechada por tras para andar pola casa.
Lugar de escoita.- O Barbanza.
Fonte.- Constantino Prego.
sulazado/a.- Prenda desgastada ou que está vella.
Lugar de escoita.- Vilalba.
Fonte.- Vanessa Hermida Carballeira.
Outros apuntamentos.- Enviada desde o Centro de Día de Abadín.