O Festival Reperkusión xa fixo un adianto do que será o seu programa para a nova edición na que, entre outros, está confirmada a asistencia de Terbutalina, Cuchufellos, Crassh e Muchachito y sus compadres. Tres serán artistas, grupos ou compañías serán elixidas polo público por medio das redes sociais do propio Festival.
A Cidade dos Muchachos de Bemposta será, máis unha vez, o escenario do Reperkusión que, desta volta, se celebra o 11, 12 e 13 de xullo. Música, circo, teatro, pasarrúas ou performances integrarán un programa que aínda está por completar.
O Festival ten aberta a convocatoria á que se poden presentar artistas individuais ou colectivos creativos dos que ese valorará a súa orixinalidade, a calidade artística e cultural ou adecuación ás condicións técnicas e á rúa ou a espazos abertos. Tres das propostas de día serán seleccionadas polo público nas redes sociais de entre todas as candidaturas presentadas. Guezos, Skarallaos, La Tarrancha e Rimbarán foron os grupos escollidos por votación popular na edición anterior.
Ata o 15 de abril as entradas están a venda na web cuhha oferta de 20 € . A información da convocatoria, do avance de programas e da xestión de entradas está pronta xa na súa páxina web.
