A Asociación Galega de Profesionais da Xestión Cultural, nunha carta remitida a institucións e empresas, solicitan "ás persoas responsábeis da actividade cultural nos máis de 300 concellos da nosa terra, así como deputacións, fundacións e outros organismos representativos (universidades, empresas...) que realicen un esforzo por incentivar as políticas culturais e manter os compromisos".
Igualmente, fan fincapé no fundamental de que se extreme a calidade dos equipos que traballen nas áreas de cultura "contratando a persoas con capacidade, experiencia e coñecementos contrastados".
A respecto disto, sinalan como relevante que hai só uns días, o Concello da Coruña -no que vive 10% da poboación galega- anunciaba unha importante reestruturación da área de Cultura, que pasa a depender directamente da alcaldía.
Consideran unha "excelente oportunidade para aproveitar" para atender a recomendación á hora de dotarse de novo persoal que deberá xestionar a cultura da cidade, que conta cuns equipamentos públicos e privados con alta capacidade de programación, como mínimo durante tres anos", declaran.