Imprimir

O presidente da Deputación de Lugo acusa a Sanidade de "manipular" os datos da Covid

Redacción / Europa Press | 20 de novembro de 2020

José Tomé Roca, presidente da Deputación de Lugo.
José Tomé Roca, presidente da Deputación de Lugo.

"Quen merece un tirón de orellas é o conselleiro, por falta de transparencia, pola manipulación de datos e por tratar de forma distinta os concellos onde gobernan que os municipios onde non goberna o Partido Popular", sinalou

O presidente da Deputación de Lugo, José Tomé, acusou o conselleiro de  Sanidade, Julio García  Comesaña, de "falta de transparencia" e de "manipulación de datos" sobre os focos da Covid-19 e as restricións nos concellos máis afectados.

Despois de que o titular de  Sanidade asegurase que a situación da pandemia mellora na Galiza urbana agás en Lugo e Vigo, José Tomé considerou que  Comesaña "trata de desviar a atención sobre as súas responsabilidades".

"Quen merece un tirón de orellas é o conselleiro, por falta de transparencia, pola manipulación de datos e por tratar de forma distinta os concellos onde gobernan que os municipios onde non goberna o Partido Popular", manifestou.

Tomé asegurou que "na provincia de Lugo" hai "exemplos  clarísimos". "E a listaxe de afectados por cada cen mil habitantes que se publicaron onte mesmo [pola cuarta feira], hai varios concellos gobernados polo PP que tendo afectados moi superiores a municipios pechados con todo non se pechan", protestou.

Neste caso, engadiu, "aí dise que se vai a crear unha comisión de estudo, e iso sinxelamente é unha discriminación e utilizar uns criterios, que teoricamente son criterios clínicos duns expertos para manipulalos en beneficio propio do PP". "Os cidadáns non merecen isto e o conselleiro debería pensar ben o que di, e debería pensar mellor o que fai", encomendou.

Deste modo, incidiu en que a Xunta "non é transparente" e asegurou que "se están dando datos que non son reais" do municipio que rexe, Monforte. "Moitas veces, ás veces son datos atrasados ou non son datos completos", apuntou.

Podes ver este artigo na próxima dirección /articulo/politica/presidente-da-deputacion-lugo-acusa-sanidade-manipular-datos-da-covid/20201120095504109465.html


© 2020 Nós Diario