Máis de mil persoas participaron esta fin de semana nos operativos para extinguir os incendios que arrasaron máis de 8.500 hectáreas de no centro de Portugal. Un combate contra o lume que logrou que, a primeiras horas desta segunda feira, a maioría dos incendios estean estabilizados. Fican focos activos, indican desde a dirección do operativo, onde se concentran os esforzos para extinguilos.
Foi un fin de semana no que Portugal reviviu o temo a unha catástrofe como a dos incendios de 2017, na que morreran máis de 100 persoas. Incendios voraces, amplos, que arrasan miles de hectáreas e son moi difíciles de combater. Vila de Rei, Mação e Sertã, nos distritos de Castelo Branco e Santarém; foron os concellos afectados.
Houbo que evacuar varias aldeas e o número de persoas feridas elévase a unha trintena.
Alerta
Varios concellos dos distritos de Castelo Branco e Santarém, afectados por incendios estq fin de semana, están esta segunda-feira en risco máximo de incendio. As temperaturas nestes dous distritos van andar entre os 39 e os 40 graus, acompañados de baixa humidade. Madalena Rodrigues, do IPMA (Instituto Português do Mar e da Atmosfera), subliña em declaracións á axencia Lusa que a situación non é "favorábel ao combate aos fogos". Por volta de 40 municipios están hoxe en alerta perante o alto risco de incendio.
Detido
Policía Judicial detivo unha persoa de 55 anos como presunto responsábel dun dos incendios que se orixinou esta fin de semana, en concreto o que tivo lugar en Castelo Branco.
