Acaralloar.- Forma grotesca da palabra acaroar.
Exemplo: “Dispareille e pasoulle o tiro acaralloando”.
Lugar de escoita.-Cuntis.
Fonte.- Marcos Seixo.
Arangotango ou arangutango.- Orangután.
Lugar de escoita.- San Martiño (Vilaboa do Morrazo), Santa Mariña de Covelo (Covelo).
Fonte.- Sé Anxo Rosales González.
Atortorar .- Verbo que significa dar voltas ao tortor, que en terminoloxía náutica designa cada unha das voltas con que se retorce, por medio dunha palanca, a trinca de cortiza que liga dous obxectos afastados entre si.
Lugar de encontro.- En De catro a catro e outros textos de Manuel Antonio.
Fonte.- Ismael Viñas Montes de Oca.
Barracallazo .- (Ademais de significados xa rexistrados) Flatulencia ruidosa, peido escandaloso.
Lugar de escoita.- Sabucedo (A Estrada).
Fonte.- Manuel Cabada Castro.
Camalloada.- Camada. Como no caso do seu sinónimo máis habitual, se se refire a persoas é con connotacións despectivas.
Lugar de escoita.- O Barbanza.
Fonte.- Constantino Prego.
Cendedallo.- Garabullos para acender o lume.
Exemplo: “Cendedallo, cendedallo, e logo troncos como a miña perna”.
Lugar de escoita.- Cesar (Sarria).
Fonte.- María Xosé López Castro.
Collabración.- Aparato reprodutor externo masculino.
Lugar de escoita.- O Courel.
Fonte.- Dun vocabulario courelao.
…………………………………………………………………………………………….
Palabras con Memoria é unha sección que coordena a Asociación de Escritoras e Escritores en Lingua Galega. Todo o material podes consultalo aquí.
Se queres achegar algunha palabra que non apareza nos dicionarios, dirixe as túas propostas ao correo palabra.con.memoria@
