bargado.- (Ademais de significados xa rexistrados) Tabique de madeira nun cortello.
Lugar de escoita.- O Courel.
Fonte.- Dun vocabulario courelao.
capoeiro.- (Ademais de significados xa rexistrados) Lugar na corte onde non podían chegar as vacas. Xeralmente estaba construído con táboas ou paus chantados na parede e con saída a un fachinelo polo que entraban as galiñas para pasar a noite ao quente.
Lugar de escoita.- Carbeiral- Bardaos (San Sadurniño).
Fonte.- Avelino Sanjurjo Beceiro (X. Ortigueira).
chilote.- (Ademais de significados rexistrados) Construción na que antes se gardaban os aparellos de pesca. Agora acostuman preparalas para facer unha vivenda de verán.
Exemplo.- “O Concello quere tirar os chilotes ilegais.”
Lugar de escoita.- O Morrazo.
Fonte.- Pedro Salgueiro Sexto.
galiñán.- Galiñeiro.
Lugar de escoita.- Sto. Adrián de Cobres (Vilaboa do Morrazo).
Fonte.- Sé Anxo Rosales González.
Outros apuntamentos.- A fonte sinala que adoita pronunciarse con gheada.
portegaza.- (Ademais de significados xa rexistrados) Dentro das cortes das vacas adoitaba facerse un pequeno cortello, feito de táboas de arredor de 1,20 m. A portegaza era a porta dese cortello que independizaba os seus inquilinos do resto da corte.
Lugar de escoita.- Carbeiral-Bardaos (San Sadurniño).
Fonte.- Avelino Sanjurjo Beceiro (X. Ortigueira).
tiberio.- Pequena caixa ou pequeno cesto empregada/o por exemplo para coller patacas no faio ou na barrela con obxecto de preparar a comida.
Exemplo.- “Vou buscar un tiberio de patacas.”
Lugar de escoita.- A Ribeira (Cedeira).
Fonte.- Miguel Blanco López.
Outros apuntamentos.- Indica o informante que a pronunciación se fai con "gheada". É moi posíbel que derive da xiria dos canteiros.
Botelo.
Lugar de escoita.- Boiro.
Fonte.- Alumnado do CEIP Praia Xardín (recompilado polo EDLG do Centro).
Outros apuntamentos.- “Encántame o tampullo con patacas e grelos.”