apof.- Interxección que expresa sorpresa.
Lugar de escoita.- Muxía.
Fonte.- Proxecto Buserana de Muxía.
axoar.- (Ademais de significados rexistrados) Afalarlles, berrarlles ás bestas para que vaian rápido. Tamén se di que as bestas andan 'axoadas' cando están intranquilas.
Exemplo.- "As bestas están axoadas porque esta mañá xa andaron tras delas.”
Lugar de escoita.- Sabucedo (A Estrada)
Fonte.- Glosario da Rapa de Sabucedo de Manuel Cabada Castro e Roi Vicente Monteagudo.
Outros apuntamentos.- Indica o informante que un compañeiro o escoitou alí e adoptou esa palabra.
curí (repetido: curí, curí).- Variante de curín e curricho, voz para chamar o porco.
Lugar de escoita.- Gondaísque (Terra Cha).
Fonte.- Antonio Eimil.
grouch.- Voz que se usa para incitar a beber ao gando vacún.
Lugar de escoita.- Maside.
Fonte.- Cesáreo Sánchez Iglesias.
llin!.- Voz utilizada para chamar os porcos.
Lugar de escoita.- Meiraos (O Courel).
Fonte.- Dun vocabulario courelao.
sascoar ou sascuar.- Tornar, iscar os animais.
Exemplo.- “Sascoa o ghato de aí, que vai entrar na cociña e enche a comida de pelos.”
Lugar de escoita.- Coucieiro (Val do Dubra).
Fonte.- Hortensia Vázquez Fraga.