Palabras con memoria: inspeccionando a casa

vivenda casa morada

barrote.- (Ademais de significados xa rexistrados) Parte superior da bodega na que se gardaban as patacas.

Lugar de escoita.- Carbeiral-Bardaos (San Sadurniño).

Fonte.- Avelino Sanjurjo Beceiro (X. Ortigueira).

buquil.- Chámaselle así ao furado que tiña a pedra do pozo e que, cando se quería que este enchese, había que tapalo co "pau de pozo".

Lugar de escoita.- Navia de Suarna.

Fonte.- Toño Núñez.

churriolo.- Ventá pequena sen tapar que dá a unha corte.

Lugar de escoita.- Valdoviño.

Fonte.- Mario Caneiro.

fado.- (Significado engadido aos xa coñecidos) Faiado.

Lugar de escoita.- Cuntis.

Fonte.- Marcos Seixo.

llalar.- Lugar dentro da casa onde se gardaba a leña.

Lugar de escoita.- Cerceda.

Fonte.- Marta Otero Deus/CPI O Cruce de Cerceda.

ruño.- Agrupación pequena. Se é de casas, ten un significado semellante a rueiro. Arruñar, verbo derivado, tería o significado de xuntar, agrupar.

Exemplo: "Ruño de piñeiros". "Ruño de xente”.

Lugar de escoita.- Feás- Aranga (A Coruña).

Fonte.- J. L. Couceiro.

subidas.- (Ademais dos significados evidentes) Escaleiras.

Lugar de escoita.- Palmeira (Ribeira).

Fonte.- Carlos Mosteiro.

Comentarios