A organización xuvenil da esquerda abertzale descubre nas súas sedes dispositivos de espionaxe

Só horas despois de que o director do Centro Nacional de Intelixencia negase no Congreso seguimento ou espionaxe a organizacións políticas, Ernai presentou ante a prensa dispositivos de seguimento que descubririon nas súas sedes e que atribúen ao CNI.

jarraia85537
photo_camera Dispositivo de seguimento atopado nunha sede de Ernai

“Espionaxe”, “seguimento”, “control”. Algunhas palabras coas que responsábeis de Ernai, a organización xuvenil da esquerda abertzale, cualifican o que están a vivir no día a día. E afirmárono nunha comparecencia de prensa onde presentaron aos xornalistas o dispositivo que descubriron nunha das súas sedes. Un mecanismo con vídeo e audio que gravaba todas as conversas e movementos. Mais isto, apuntan, é só unha parte, pois os seguimentos de policías de paisano é “continuo”.

Unha espionaxe que desde Ernai atribúen o goberno español a través do Centro Nacional de Intelixencia (CNI). Un organismo experimentado na vixiancia e control da esquerda abertzale (organizacións políticas, asociacións, colectivos ou mesmo simples cidadáns vascos desa ideoloxía).

A denuncia prodúcese só horas despois de que o director do CNI, o xeneral Félix Sanz, negase no Congreso que se espiase a organizacións políticas. Negouno na comisión de secretos oficiais, comisión da que se excluíu a Amaiur. Segundo recolle Naiz PP, PSOE, IU e UpyD mostráronse “satisfeitos coas explicacións dadas” polo CNI.

Comentarios