Alén da crise institucional desatada pola decisión da presidenta do Parlamento de Galiza, o número 33 do semanario debrúzase tamén sobre o imparábel medre do paro en Galiza, xa á beira d@s 300.000 desempregad@s.
Incluímos tamén entrevistas co portavoz nacional do BNG, Guillerme Vázquez; do avogado de David Reboredo, o preso vigués non indultado polo Goberno Rajoy; e do escritor Sechu Sende.
Este número é tamén o da estrea como colaborador de Sermos Galiza de Cosme Torreiro, un espía nos quiosques. Imperdíbel a súa primeira peza.
Nas páxinas de Cultura, enxergamos desde Galiza a obra de Jane Austen Orgullo e Prexuízo, no 200 aniversario do seu aparecimento.
