Imprimir

Nova suba en casos activos da Covid na Galiza

Redacción | 30 de xullo de 2020

Centro Hospitalario Universitario da Coruña (Cedida)
Centro Hospitalario Universitario da Coruña (Cedida)

Son 260.

Sete días consecutivos de incremento de casos activos de coronavirus na Galiza, que xa son 260, 112 máis ca onte.

A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus na Galiza é de 260.

Deles 76 son da área da Coruña (5 máis), 80 da de Lugo, 7 da de Ourense (1 máis), 23 da de Pontevedra (3 máis), 49 da área de Vigo (-1), 23 da de Santiago (+2), e 2 da de Ferrol (+1).

Do total de pacientes positivos, 1 está en UCI, 9 en unidades de hospitalización e 250 no domicilio.

Polo de agora, na Galiza hai un total de 11.262 persoas curadas, rexistrándose 619 falecementos.

O número de PCR realizadas é de 248.544.

Dentro do total de casos rexistrados na Galiza hai un vinculado con centros residenciais, segundo indica Sanidade, que corresponde a un traballador, mentres as residencias seguen sen persoas usuarias infectadas.

Podes ver este artigo na próxima dirección /articulo/social/nova-suba-casos-activos-da-covid-galiza/20200730114846102382.html


© 2020 Nós Diario