Negociación en punto morto: “Viñeron cun programa electoral”, di Podemos

Máis de catro horas de negociación que non serviron para avanzar moito nun acordo entre o PSOE e Unidas Podemos para a investidura de Pedro Sánchez segundo as primeiras declaracións dos protagonistas do encontro. Os equipos negociadores quedaron en volver a encontrarse, pero a impresión xeral é que o PSOE se basea nas 370 medidas que presentaron esta semana e Unidos Podemos quere forzar a opción dun goberno en coalición.
Ione Belarra, portavoz de Unidas Podemos.
photo_camera Ione Belarra, portavoz de Unidas Podemos.

“Estamos preocupados”, manifestou Ione Belarra, a portavoz de UP, aos xornalistas, “viñeron presentarnos un programa electoral e foron inmóbiles coas posicións nas que xa estaban ocupados". 

Era a primeira que celebran desde a investidura fracasada en xullo, e os equipos negociadores encabezados por Carmen Calvo e Pablo Echenique que se citaron pola tarde no Congreso chegaron con posicións moi afastadas: os socialistas non queren a Podemos no Consello de Ministros, como reiterou Pedro Sánchez no acto da terza feira; e os de Pablo Iglesias insisten en ter carteiras ministeriais como garantía de que poderán ser relevantes nas políticas que se leven adiante.

Nos medios estatais se especula en que o problema xa non é unha cuestión de tempo –a investidura pódese acordar en calquera momento das próximas dúas semanas-, senón a vontade política. Algúns dirixentes socialistas, como o catalán Miquel Iceta, advertiron xa que as eleccións son a saída máis probábel. 

“Construír un goberno significa falar de propostas e dos equipos que as levará a cabo. Non podes falar dun programa separado da estrutura do goberno, das súas responsabilidades e competencias”, deixou anotado esta quinta feira Pablo Iglesias.

Comentarios