O Movemento Galego polo Clima convoca esta sexta feira, xornada na que se celebra o Día Mundial do Medio Ambiente, accións en varias cidades galegas para reivindicar "unha saída social e ambientalmente xusta" da crise do coronavirus.
Nun comunicado, o MGC advirte que a crise sanitaria e social provocada pola pandemia Covid-19 revelou "todas as contradicións do sistema social e económico imperante", ademais de destacar a posibilidade de adoptar "medidas drásticas "fronte aos retos globais.
Así, destacan que o reto do cambio climático supón unha ameaza "maior" para o planeta que a do coronavirus, polo que alentan a demanda dunha "transformación xusta" que faga un "freo" na desigualdade, o aumento da temperatura. global, a "exclusión" da xente dos seus barrios e que aposten por "condicións de vida dignas" para todos.
As concentracións terán límites de asistencia e medidas de hixiene excepcionais para extremar as precaucións contra posíbeis contaxios, segundo Movemento Galego polo Clima no seu comunicado.
As accións terán lugar simultaneamente a partir das 12.00 horas en Compostela, A Coruña, Vigo, Pontevedra, Vilagarcía, Ribeira, Lugo e Ourense.
