Opinión

Lugo 2015: Fe en Setién e Mouriz e ferro a fondo

Era dos que cría que Setién non seguía, compartía sentimento con moitos outros seguidores do Lugo.

Era dos que cría que Setién non seguía, compartía sentimento con moitos outros seguidores do Lugo. Presentíamos que o seu ciclo no Lugo rematara. Porén, no Lugo temos a fortuna de estar nas mellores mans, Carlos Mouriz foi o encargado de confeccionar todos os anos plantillas que deparaban resultados moi por riba do orzamento e do número de afeccioados do Lugo. Con el viñemos desde a terceira división e,por iso, dicirlle a Mouriz o que ten que facer co Lugo é como ensinarlle a un pai a facer fillos,

Ano o ano, fomos medrando e o que vén ten moi boas trazas. Poderase adestrar todo o ano en campo de herba natural, profesionalízase a canteira e a infraestructura do clube vai sendo acorde coa categoría.

Son estes os pequenos grandes pasos cos que o Lugo, despaciño e boa letra, vaise asentando na elite do fútbol.

Ano o ano, fomos medrando e o que vén ten moi boas trazas

Agora volta a tolemia de todos os veráns, onde os afeccioados do Lugo, agardamos ter a fortuna de seguir mellorando a plantilla un ano máis. Non será doado conseguilo pero temos a evidencia de que se conseguiu todos os anos.

Parafraseando a Cabanillas. "teremos mellor equipo que o ano pasado pero aínda non sabemos quenes serán".

Comentarios