albeado.- (Ademais de significados xa recollidos) Dise do que está excesivamente limpo, que reloce.
Exemplo.- "Estivo toda a tarde limpando na casa e quedou todo albeado."
Lugar de escoita.- Burela (Mariña Luguesa).
Fonte.- Mario Ferreira.
bruso.- Cepillo de man ou con mango para limpar o chan ou outras superficies.
Lugar de escoita.- O Barbanza.
Fonte.- Constantino Prego.
Outros apuntamentos.- A fonte coida que vén do anglicismo "brush".
escofonar.- Limpar algo fregando moito.
Exemplo.- "Está tan dexoso que terá que botar unha hora enteira escafonando."
Lugar de escoita.- Son- Navia de Suarna.
Fonte.- Raquel de Son/Endl Navia de Suarna.
eslavuxar.- Botarlle auga a un trapo ou na boca ao lavala.
Lugar de escoita.- Vilalba e comarca da Terra Chá.
Fonte.- María Ladra Fraga.
Outros apuntamentos.- Desde o Centro de Día de Abadín.
lampoñas.- Lampas. Utensilios, prendas de roupa, calzado, etc., gastados.
Exemplo.- “Estas zapatillas están lampoñas.”
Lugar de escoita.- Vilalba.
Fonte.- Vanessa Hermida Carballeira.
Outros apuntamentos.- Desde o Centro de Día de Abadín.
pub(v)ela.- (Ademais de significados xa rexistrados) Varredura, lixo.
Lugar de escoita.- A Fonsagrada.
Fonte.- Jesús López Domínguez.
sisco.- Lixo.
Lugar de escoita.- Muxía.
Fonte.- Proxecto Buserana de Muxía.