Perto de 300 delegadas asistiron ao IV Encontro Nacional de Mulleres da CIG, unha asamblea na que acordaron convocar folga xeral de 24 horas e de mulleres o vindeiro 8 de marzo e trasladar esta proposta ao movemento feminista galego.
Así o explicou a secretaria das Mulleres da CIG, Margarida Corral, que fixo un chamamento a colectivos e organizacións feministas no país a “loitarmos xuntas nun novo 8 de marzo e a combater na rúa as agresións do patriarcado”.
As delegadas da CIG acordaron ademais dar traslado nos seus centros de traballo das razóns polas que se convoca esta folga. A denuncia do acoso no traballo, físico, psicolóxico ou sexualmente; a denuncia da violencia económica, patrimonial, simbólica, obstétrica ou institucional.