Axentes do Seprona da Garda Civil e persoal da Consellería de Medio Rural interceptaron perto de 2.000 quilos de patacas no concello de Ourol, comarca da Mariña, procedentes dun concello "infestado" pola couza guatemalteca.
Así informaron a Europa Press fontes da Garda Civil e Medio Rural, que indicaron que esta quinta feira as patacas foron intervidas nun camión nun control realizado na zona.
Por parte de Medio Rural, sinalaron que a pataca foi intervida porque procede dun concello "infestado" por esta praga, do que non se pode sacar este tubérculo porque "pode estar contaminado".
Os 2.000 quilos de patacas intervidas almacenáronse en dependencias da Consellería do Medio Rural.
