Ánxela Franco faleceu aos 57 anos no Hospital Clínico de Santiago, onde estivo ingresada debido a unha enfermidade diagnosticada hai poucas semanas.
Porto do Son e a familia nacionalista recibiu con conmoción a triste noticia do falecemento de Ánxela Franco, referencial tanto neste concello onde era edila como no propio Bloque Nacionalista Galego, cunha longa traxectoria e compromiso político coa formación nacionalista. Ánxela tamén era activa militante da Unión do Povo Galego e membro do seu Comité Central.
Nas eleccións do 26 de maio renovara a súa acta de concelleira no Porto do Son, e nos últimos catro anos foi deputada provincial na Coruña á fronte das políticas de igualdade e benestar. Nesta área da deputación desenvolveu un amplo traballo e puxo en marcha os programa ‘Compartimos Plan’, ‘Plan de Acción de Servizos Sociais Rede de concellos para o Benestar’ e ‘Decrouña accesíbel’, entre outros. Ademais impulsou numerosos proxectos encamiñados á eliminación das violencias machistas como ‘Suprime o control’ e ‘Quen dixo medo’.
O alcalde en funcións de Porto do Son, Luís Oujo manifestou a súa fonda tristeza e convocou pleno extraordinario para a tarde deste domingo para decretar tres días de loito polo seu falecemento.
No tanatorio das Dores de Xarás, en Ribeira, están a ser velados os restos mortais de Ánxela Franco. O luns ás 20 horas partirán cara á igrexa de Santa María de Caamaño, a parroquia natal de Ánxela, en Porto do Son, onde a continuación se realizará o funeral e enterro. Nos vindeiros días realizarase tamén un acto na súa honra.
Publicamos a última entrevista de Ánxela Franco concedida ao semanario en papel Sermos Galiza número 284, do 15 de febreiro de 2018. Conversa en que falou do traballo á fronte da área de Igualdade e Servizos Sociais da Deputación da Coruña.
A portavoz nacional do BNG, Ana Pontón, expresou a tristeza e loito da familia nacionalista polo falecemento de Ánxela Franco, a quen salientou como unha muller boa e xenerosa, valente, decidida e que demostrou sempre o seu compromiso con Galiza.
Foise unha boa e xenerosa: Ánxela Franco. Unha muller valente, decidida e que demostrou sempre o seu compromiso con Galiza. É un día triste para todas as que tivemos a sorte de coñecela, a familia nacionalista está de luto. Envío abrazo e forza á súa familia e amizades. pic.twitter.com/PZ7rogVsth
— Ana Pontón (@anaponton) 2 de junho de 2019
A vicepresidenta da Deputación da Coruña e concelleira compostelá do BNG, Goretti Sanmartín, amosou tamén a súa dor polo falecemento de Ánxela Franco, compañeira de organización política e de goberno á fronte da deputación.
unha inmensa perda! unha boa e xenerosa! ficamos sen palabras. https://t.co/3JF55LPOY3
— Goretti S. Rei (@GorettiSRei) 2 de junho de 2019
O presidente da Deputación da Coruña, Valentín González Formoso, e máis a propia institución tamén expresaron o seu lamento polo falecemento de Ánxela Franco, deputada de Benestar Social, Educación, Igualdade e Participación de Xénero na goberno provincial. Formoso enviou o seu pésame á familia, amizades e as e os compañeiros do BNG.
Desde a @Depucoruna expresamos a nosa consternación polo pasamento da deputada do BNG Ánxela Franco. https://t.co/3EbEkyyVcb vía @lavozdegalicia
— Depucoruna (@Depucoruna) 2 de junho de 2019
O secretario xeral da Unión do Povo Galego e membro da executiva nacional do BNG, Néstor Rego, sinalou de Ánxela Franco “a perda inmensa que para todos nós” significa o seu falecemento. “Queremos lembrala así, sempre sorrindo”, escribiu na rede.
Fóisenos a compañeira Ánxela Franco, Concelleira do BNG no Son, Deputada Provincial e membro do Comité Central da UPG. Exemplo de muller comprometida co seu País e a súa xente. Unha perda inmensa. Queremos lembrala así, sempre sorrindo. Que a terra che sexa leve, camarada pic.twitter.com/f6qV2CvKH4
— Néstor Rego (@NestorRego) 2 de junho de 2019
Deixounos a compañeira Ánxela Franco, Concelleira do BNG no Son, Deputada Provincial e membro do Comité Central da UPG. Muller valente exemplo de compromiso co seu País e a súa xente. É unha perda inmensa para o noso Partido e o nacionalismo. .Que a terra che sexa leve, camarada. pic.twitter.com/909MjjYPtD
— UPG (@GalizaUPG) 2 de junho de 2019
O deputado do BNG Luís Bará resaltou o exemplo, a loita e o compromiso da nacionalista e afirmou que “sempre estará con nós”.
As outras forzas políticas galegas tamén comunicaron a súa tristeza polo pasamento de Ánxela Franco e expresaron o seu recoñecemento á concelleira nacionalista pola súa calidade humana e a entrega persoal e política coas causas sociais e a defensa de Galiza.
Tras coñecer a triste nova do pasamento de Ánxela Franco, concelleira do @obloque en Porto do Son, queremos trasladarlles azos e forza a familiares e amizades, así como ás suas compañeiras do BNG. Que a terra che sexa leve. https://t.co/VEUcYhqCx3 pic.twitter.com/beAKdLlPfu
— EnMarea (@En_Marea) 2 de junho de 2019
O noso sentido pésame á súa familia, amigos e compañeiros de @obloque. https://t.co/oRqvry4uNv
— PSdeG Prov. A Coruña /❤️ (@psoeprovcoruna) 2 de junho de 2019
Nuestro más sentido pésame a la familia de Ánxela y todos los compañeros del @obloque DEP https://t.co/Qb8WbMjNFf
— PP Provincia Coruña (@acorunapp) 2 de junho de 2019
Este domingo déixanos a enorme tristura do falecemento de Ánxela Franco, sempre valente, sempre comprometida co País e coa loita pola igualdade e a xustiza social.
— Compostela Aberta (@compostelaberta) 2 de junho de 2019
Todos os nosos azos e agarimo para a súa familia e amizades e para a xente de @obloque. https://t.co/DR16E0Nh9z
Ánxela Franco estivo sempre na vangarda da loita pola xustiza social, a igualdade e o feminismo. Muller valente e honesta, que nos deixa cun baleiro difícil de encher.
— Marea Atlántica (@mareatlantica) 2 de junho de 2019
Ata sempre, Ánxela, e que a terra che sexa leve. https://t.co/lLOLp1NydY
Diversas entidades, asociacións do tecido social galego e medios tamén quixeron expresar o seu pesar polo falecemento de Ánxela, de quen sinalan foi unha referencia para moitas.
Defendiches en vida a igualdade de dereitos e a xustiza social. Boa viaxe o outro lado do arco da vella 🌈 compañeira. DEP, unha das boas e xenerosas 😔 https://t.co/3K1cyVIJn4
— ALAS A Coruña (@alasacoruna) 2 de junho de 2019
Pesar polo falecemento da deputada Anxela Franco da @Depucoruna do as nosas condolencias a familia e a @bngdepuacorunha @obloque Sempre nos atendeu de 10!!!!
— Crónicas da Comarca (@Cronicascomarca) 2 de junho de 2019
Como diputada de Servicios Sociales @Depucoruna, Ánxela Franco @obloque @conportodoson siempre mostró una gran sensibilidad con @CaritasMondoFer y su tarea con las personas que + nos necesitan
— Cáritas MondoñedoFer (@CaritasMondoFer) 2 de junho de 2019
Hoy es un día triste. Nuestro cariño para su familia y amigos
🙏 Descansa en paz https://t.co/ktg9zwmwI9
Fondo pesar polo falecemento de Ánxela Franco https://t.co/eWqesK7fHY pic.twitter.com/83CcnfX3qJ
— CanalBarbanza (@CanalBarbanza) 2 de junho de 2019