O Organismo Anti-repressivo Ceivar convocou umha manifestaçom nacional o 15 de junho em Compostela em solidariedade com Maria Osório, Antom Santos, Eduardo Vigo e Roberto Rodrigues Teto, os quatro militantes independentistas que vam ser julgados na Audiência Nacional espanhola o 24 e 25 deste mesmo mês e que enfrentam umha petiçom de 64 anos de prisom. A cita é as 19:00 horas e na Alameda da capital de Galiza.
“Eduardo Vigo, Teto Fialhega, Antom Santos e Maria Osório som cuatro militantes independentistas exemplares, trabalhadores infatigáveis em favor das mais variadas causas políticas, sociais e culturais, galegos bons e generosos ao serviço do seu povo, em quem o Estado quer descarregar a sua impotência ante a incapacidade de fazer-se respeitar", indicam de Ceivar
"Na lógica repressiva do Estado, Antom, Eduardo, María e Teto merecem ser castigados com mais severidade que o assassinato ou a violaçom"
![Publicidade 195634]()
Nesta linha, o organismo solidñario considera que constitúen "um exemplo perigoso para umha Espanha em profunda crise económica, política e social, e que na lógica repressiva do Estado merece ser castigado com mais severidade que o assassinato ou a violaçom”.
Processo de caráter nitidamente político
Para o organismo anti-represivo, que desde o Estado se pidam 64 anos e prissom som “desorbitadas para pessoas que nom tenhem atuado contra a vida, a saúde ou a integridade de ninguém, encontra-se num Estado Espanhol instável e ameaçado por natureza, que protege com muito maior rigor a sua integridade e o seu ordenamento jurídico-político do que os direitos e a liberdade das pessoas e dos povos. É por isto que o do 24 e 25 de Junho é mais um processo de caráter nitidamente político”.
