Esta semana a alcaldesa de Barcelona, Ada Colau, manifestou a súa vontade de pechar un acordo de gobernabilidade cos partidos de esquerda representados na Casa do Concello da cidade condal, un acordo que dese estabilidade ao executivo e permitise facer fronte a retos e proxectos. Mais ese pacto non semella que vaia ser doado. A CUP (3 concelleir@s) xa dixo que non entraría no goberno. A súa voceira, María José Lecha, manifestou que non ven necesario entrar no goberno para chegar a acordos con Barcelona en Comù (11 edís) e que, en todo caso, cando o goberno local propoña políticas “rupturistas” terían o seu apoio.
Desde ERC, a priori -e segundo a prensa catala- o socio preferido por BCN en Comù, reprochou a ausencia de encontros bilaterais para saber cal é o modelo de cidade e para constrastar obxectivos. A isto, engaden unha condición para entrar nun acordo de goberno: que o PSC non estea no executivo.
Alfred Bosch, voceiro de ERC, lembrou que o PSC goberno a cidade 32 anos e cualificou o PSC de “representantes do establishment barcelonés” e da “vella política”. O goberno local mantén encontros regulares co PSC, segundo recoñeceu a concelleira Carmen Andrés.
![[Imaxe JxS] Muriel Casals](/asset/zoomcrop,480,270,center,center/media/nosdiario/images/2016/02/14/2016021411384555262.jpg)
