A visita de Santiago Abascal ao concello de Oia non foi tranquila para el, dado o rexeitamento que a presenza deste líder ultraespañolista causou entre a veciñanza.
Porén, quen si exerceu de amábel anfitrión foi o tenente de alcalde do PP neste concello do Baixo Miño, Augusto Lomba. Outro líder máis do partido de Alberto Núñez Feixoo que decidiu realizarse un selfie con Abascal seguindo os pasos do portavoz municipal na Guarda, Roberto Carrero.
Semella que Vox ten xa Ciceróns no Baixo Miño após os febles resultados do Partido Popular nas pasadas eleccións municipais do 26 de maio.