Imprimir

Desde a chegada de Feixoo a partida para fomento do galego no ensino caeu en 70%

Redacción | 17 de xaneiro de 2019

A Consellería demora máis un ano a publicación da orde de axudas  a proxectos de fomento do galego, o que lastra o labor dos Equipos de Normalización Lingüística.

Máis un ano, a A Consellaría de Educación continúa a estas alturas de curso, demorando a publicación da Orde de axudas a proxectos de fomento do galego por parte dos Equipos de Normalización Lingüística. Un atraso que, indica CIG-Ensino, impide a planificación anticipada e que se poidan materializar moitos proxectos dos Equipos de Normalización Lingüística por falta de tempo.

 

Desde a CIG-Ensino cualifican este desleixo como “intencionado” por parte da Consellaría de Educación, que demostra que “o fomento do noso idioma non está entre as súas prioridades, senón máis ben todo o contrario”.

 

Os fondos para estas finalidades, di, reducíronse en 70% desde a chegada de Feixoo á presidencia da Xunta en 2009.

 

Podes ver este artigo na próxima dirección /articulo/lingua/chegada-feixoo-partida-fomento-do-galego-ensino-caeu-70/20190117135103075307.html


© 2020 Nós Diario