Persoas usuarias e profesionais da sanidade pública concentráronse esta mañá na praza do Toural de Compostela e no Obelisco da Coruña para protestar contra os tesoirazos en materia de sanidade. “Non ao feche das camas” e “Sanidade 100% pública” foron algunhas das consignas que proferiron as persoas manifestantes.
En declaracións recollidas por Europa Press, un membro da Coordinadora Antiprivatización da Sanidade Pública, José Miguel Rodríguez, criticou o feche de 1.200 camas durante o verán. Tamén advertiu de que a lista de espera dos hospitais galegos sitúa Galiza entre as autonomías “peor paradas”.
O Sergas asegura que ten o 86% das camas dispoñíbeis
![Publicidade 193771]()
O Sergas, pola súa banda, asegura nun comunicado que mantén operativas este verán o 86,12% do total das camas dispoñíbeis nos centros hospitalarios da rede pública galega, uns resultados, sinala, semellante ao de anos anteriores. Ademais, o Sergas, malia as numerosas denuncias sindicais, explica que a planificación das camas para a época estival faise "coa colaboración dos propios profesionais da sanidade".
