"Moitos cidadáns esperan que, fracasada a receita da violencia, a represión e a liquidación do autogoberno, comece finalmente a era do diálogo e a negociación que vimos reclamando desde hai anos", dixo Carles Puigdemont no seu discurso de Cap d'Any desde Bruxelas emitido onte a través das redes sociais. E reivindicou que o pobo catalán ten o dereito de se facer "a se mesmo como república de homes e mulleres libres".
"Como president, exijo al Gobierno español y a los que le dan apoyo que rectifiquen aquello que ya no funciona, que reparen el daño causado, y que restituyan todo aquello que han destituido sin el permiso de los catalanes", insistiu Puigdemont, que tivo un recordo para os presos políticos: o vicepresident, Oriol Junqueras, o conseller Joaquim Forn e os responsábeis da ANC e Òmnium, Jordi Sànchez e Jordi Cuixart.
Carles Puigdemont interpelou ao presidente do Goberno español e, despois de celebrar a alta participación nas eleccións do 21 de decembro, que cualificou como un éxito democrático histórico -"podemos estar contentos, como pobo, da nosa participación nunha xornada, agora si, sen violencia nin represión", dixo-, preguntouse: "A que espera o presidente Rajoy a aceptar os resultados?". Puigdemont afirmou que o Goberno central ten "unha nova oportunidade de comportarse como a democracia europea que asegura ser".