Adif botou ao río Sil 2 dos 10 vagóns do tren de mercancías que a pasada semana descarrilou en Sobradelo, en Carballedo de Valdeorras, e que non puideron ser retirados pola “complexidade” das operacións, segundo apuntan medios da zona como ‘Valdeorras de cerca’.
A Confederación Hidrográfica abre unha investigación sobre os feitos, que tamén indignaron o ecoloxismo e que xa provocaron que o BNG anunciase que ía presentar unha pregunta sobre este suceso no Congreso. O deputado nacionalista Néstor Rego rexistrou unha iniciativa parlamentar no Congreso a través da que pide a retirada inmediata destes para proceder a "reparar o dano ambiental causado". Ademais, pide que se lle comuniquen os feitos á Fiscalía.
De por parte, o PSdeG esixiu a Adif que retire de forma inmediata o vagón caído ao río e proceda á restitución dos danos ambientais causados.
Ademais, Galicia en Común informou de que se puxo en contacto con Adif e co Ministerio de Transportes para pedirlles explicacións en relación aos vagóns envorcados ao río e asegurou que se manterán "vixiantes" para que a empresa pública cumpra os "compromisos adquiridos", que pasan por investigar o ocorrido
A Xunta informa que se dirixiu esta mañá a Adif para pedirlle explicacións pola caída dos vagóns do tren de mercadorías ao río Sil. Xunto con isto, a Consellería de Medio Ambiente abriu unha investigación sobre a caída ao río Sil dos vagóns do tren descarrilado.
#ADIF VIERTE AL RÍO SIL LOS VAGONES DESCARRILADOS
— MaltratodaPaisaxe (@MaltratoPaisaxe) August 3, 2020
Vídeo 1
Carballeda (#Ourense) @mariaduran1987 @pgsarria @lavozdegalicia @ELPAISGalicia @abc_es @larazon_es @arboresdalimia @LaRegion @greenpeace_esp @ADEGAgz @historiaGAL @xeografo @GFAugasGalicia @LaVanguardia @perezalberti47 pic.twitter.com/Eq282BhWBZ