A Asociación Galega en Defensa da Sanidade Pública volve cuestionar o comité clínico que asesora a Xunta nas medidas para loitar contra a pandemia da Covid-19, despois de que o presidente Alberto Núñez Feixoo e outros dirixentes "adianten" algunhas medidas nos días previos á reunión de hoxe dese organismo
A través dun comunicado, a plataforma afea a "interferencia política" do titular do Goberno galego por insinuar nos últimos días o alivio dalgunhas restricións, algo que "debería ser debatido e adoptado" polos expertos sanitarios que integran o comité.
Isto "confirma o control" que Feixoo e a súa administración "exerce" sobre este órgano, "o que supón unha clara interferencia política en temas de natureza sanitaria".
E é que, segundo xa denunciou previamente a Asociación Galega en Defensa dá Sanidade Pública, este comité "está integrado maioritariamente por persoal da mesma administración" que -apunta- foi "elixido por criterios de afinidade política".Compoñente da que que Nós Diario xa informara nunha reportaxe.
"Volvemos reiterar a esixencia de transparencia e de participación no establecemento das estratexias para facer fronte á pandemia da covid-19 e que as medidas que se adopten, que sexan de acordo a criterios baseados na evidencia científica", finaliza o comunicado.
