O veterano certame, que celebrou a súa edición número 60, tamén distinguíu o protagonista da terceira longametraxe de Oliver Laxe, o fonsagradino Amador Arias, como mellor actor.
O filme xa é o segundo en galego máis visto da historia, apenas detrás de Sempre Xonxa (1989, Chano Piñeiro). Estreouse no Estado español o pasado 11 de outubro e aínda se mantén en carteleira nun bo número de salas, 17. As últimas cifras públicas situaban en máis de 50.000 as espectadoras e espectadores que o viron en cinemas.