Os feitos acontecían o pasado domingo día 9 de xullo. A policía parou unha persoa por levar unha camiseta co lema “Etxera #AltsasukoakAske Muntai polizialik ez STOP montajes policiales” e ameazouna con denunciala. Á pregunta de se era ilegal levar esa camiseta, os policías responderon que si.
Outros xoves achegáronse a apoialo, rematando dous deles identificados polas forzas policiais após momentos de tensión. Os axentes sacaron unha imaxe da camiseta e informaron o mozo que a levaba de que fora multado con 600 euros. Na localidade de Altsasu tivo lugar unha concentración para denunciar os feitos.