A Academia debaterá entre Antonio Fraguas e Carvalho Calero para as Letras 2019

O sábado 7 de xullo o plenario da Real Academia Galega debaterá sobre a figura á que se lle dedicará o Día das Letras Galegas 2019. Na mesa, dous nomes: o xa habitual de Ricardo Carvalho Calero e mais o do antropólogo e historiador Antonio Fraguas.
 

FRAGUAS CARBALLO CALERO
photo_camera Antón Fraguas e Ricardo Carvalho Calero

Nas últimas semanas transcenderan outros nomes que optaban á distinción, entre eles o da poeta Xela Arias e o do tradutor Plácido Castro. Mais, finalmente, as académicas e académicos decidirán só entre Fraguas e Carvalho.

A candidatura do primeiro, nado en en Cerdedo-Cotobade en 1905 e morto en Compostela en 1999, foi impulsada polos numerarios Andrés Queiruga, Francisco Díaz-Fierros, Pegerto Saavedra e Salvador García Bodaño. A do autor de Scórpio, nado en Ferrol en 1910 e morto en Compostela en 1990, por Xosé Luís Axeitos, Xosé Ramón Barreiro Fernández, Francisco Fernández Rei, Manuel González, Chus Pato, Manuel Rivas Barrós, Xosé Luís Regueira e Euloxio Ruibal.

O prazo para presentar candidaturas —que deben ir avaladas por un mínimo de tres membros numerarios da institución— fechou o pasado 25 de xuño.

Nota: nunha primeira versión da noticia faltaba o nome de Manuel Rivas entre os académicos que promoven a candidatura de Carvalho Calero.

Comentarios