O Ministerio de Dereitos Sociais, que lidera Ione Belarra, proporá esta sexta feira ás comunidades autónomas despregar un paquete de medidas, que define como "escudo climático", para protexer a cidadanía, especialmente os sectores máis vulnerábeis, ante os efectos das ondas de calor.
Entre as iniciativas figuran modificación de horarios para evitar as franxas con maior temperatura, asegurar nos centros de equipo de ventilación e ar acondicionado, habilitar refuxios climáticos ou potencialos nas zonas onde xa existen e incrementar as prazas por onda de calor para persoas sen fogar, entre outras propostas.
Segundo explican fontes deste departamento, este compendio de medidas xorden tras varias semanas de traballos técnicos, e que xa foron remitidas ás autonomías o pasado 5 de maio para debatelas no seo do Consello Territorial.
Desta forma, Dereitos Sociais expón a adecuación das residencias para asegurar a dispoñibilidade de equipos que manteñan condicións de climatización en todas as estancias que utilicen as persoas residentes, con especial énfase naquelas que teñen dificultades de mobilidade ou de comunicación.
O Ministerio tamén traslada ás autonomías que os centros residenciais apliquen modificacións de horarios, vestimenta e garantías de hidratación fronte a ondas de calor.
Así mesmo, insta a elaborar protocolos en cada residencia para reaxustar horarios de paseos, incrementar as frecuencias de hidratación e adaptar os menús que se ofrecen aos usuarios ante episodios de altas temperaturas.
Nesta liña, demanda tamén adecuar os plans de cada centro para identificar de forma precoz posíbeis casos de golpes de calor e a coordinación co sistema sanitario.
Ao fío, propón elaborar protocolos desde os servizos sociais e a Atención Primaria que incorporen máis recursos á atención de persoas vulnerables que viven soas.
Persoas sen casa
Para as situacións de persoas sen casa, Dereitos Sociais solicita que garantir o acceso á rede de refuxios climáticos, incremento de prazas nas campañas contra a calor (como se fai nas campañas contra o frío), evitar a súa expulsión de espazos público e o fechamento de fontes públicas, e elevar a provisión de alimentos e bebidas que favorezan a hidratación para este colectivo.
Tamén solicita que en persoas que vivan en infravivendas se garanta acceso continuado a auga potábel e plans de con actividades socioeducativas para nenos, que garantan contornas con temperaturas adecuadas de temperatura, hidratación e alimentación, especialmente en períodos vacacionais e durante as horas centrais do día.
