venres 03.07.2020

O seguimento en Galiza da greve en Unísono contra a contratación por ETT e os incumprimentos laborais atinxe 80%

O persoal de Atento retomou as mobilizacións ante o incumprimento dos acordos alcanzados coa empresa.

Concentración en Unisono
Concentración en Unisono

Volven as mobilizacións ao sector dos centros de cg¡hamadas, que en Galiza representa por volta de 8.000 empregos. Nesta volta foron en Unísono e Atento. A folga de 24 horas en Unísono convocada a nivel de estado por todas as centrais con representación nesta empresa do sector de centros de chamada superou 80% de seguimento en Galiza, onde o persoal desta empresa de centros de chamada mobilizaronse diante dos tres centros de traballo de Vigo. A greve estaba convocada para rexeitar a contratación fraudulenta “e case en exclusiva” a través de ETT e as "numerosas ilegalidades laborais" que está a cometer a dirección, explican desde a CIG, sindicato maioritario en Galiza neste sector.


A incidencia do paro foi desigual aínda que moi elevada en todos os casos, xa que hai campañas nas que o seguimento é de 100% e outras nas que supera o 80% e 90%, informa o sindicato. Entre as que menos seguimentos tiveron atópanse aquelas que contan con maior número de persoal eventual, “contratado na súa maioría mediante ETT”.

atento
Entre os motivos da greve está a contratación “case exclusiva e fraudulenta” mediante ETT. Outros incumprimentos da empresa teñen que ver co Plan de Igualdade, ou que tampouco aplica os PIF do curso 2018-2019, a partir de xaneiro 2019, por decisión unilateral da dirección, cando os PIF corresponde aceptalos por curso completo, non por ano natural. Outros aspectos que denuncian son a ineficiente limpeza e climatización dos centros de traballo; o establecemento de horarios e quendas, preferencias horarias, cambios de horario e gardas legais “incumprindo acordos do SIMA e demais legalidade”; que as vacacións son impostas pola empresa con criterios non establecidos en acordos asinados.

Atento

As traballadoras e os traballadores de Atento na Coruña retomaron esta segunda feira as mobilizacións para esixir da empresa que cumpra o acordo alcanzado o pasado mes de outubro para a mellora das condicións laborais. Ese acordo supuxera a suspensión dos paros e protestas semanais que o persoal estivo realizando durante seis meses , en rexeitamento aos despedimentos, presións, acosos, ausencia de formación, falta de tempo administrativo entre chamadas, imposición de vacacións e obxectivos imposíbeis de cumprir, abusos da mutua, etc.  

comentarios