Traballo

PSA-Citroën reactivará a actividade na planta de Vigo o 11 de maio

A empresa automobilística avanza que haberá só unha quenda de traballo na factoría de Balaídos, cando antes da declaración do estado de alarma había tres. 
Operarias de pintura da planta de PSA Peugeot Citroën en Vigo (Victor Cameselle).
photo_camera Operarias de pintura da planta de PSA Peugeot Citroën en Vigo (Victor Cameselle).

PSA-Citroën comunicou na tarde de hoxe a sindicatos e traballadoras que a actividade na planta de Vigo reaundarase a vindeira segunda feira, día 11 de maio. A empresa manifestou hai dúas semanas que retomaría a produción cando se producise unha "reactivación do mercado"

Fontes da empresa automobilística detallaron que a produción se renovará o día 11 con equipos de traballo "nos talleres de embutición, feraxe e pintura". 

"O día 13 xa estaría a traballar a fábrica ao completo pero nunha soa quenda, a quenda de mañá", explicaron estas mesmas fontes de PSA, que sinalan que a actividade se irá retomando de forma gradual.

Antes da declaración do estado de alarma a planta de Balaídos contaba con tres quendas de traballo (mañá, tarde e noite) en dúas das súas liñas de produción. A dirección da factoría viguesa xa expresou a vontade de realizar outro ERTE por razóns organizativas

Comentarios