Un home de 29 anos que traballaba nun taller mecánico en Cambre faleceu na mañá desta sexta feira cando un camión caeu sobre el.
Os feitos, segundo informa o 112, ocorreron no lugar de A Telva poucos minutos antes das 11:00 horas. Nese momento, unha persoa particular alertou ao centro de emerxencias do sucedido.
Porén, o persoal médico non puido facer nada pola vida do mozo e só puido confirmar a súa morte.
Por outra banda, un operario resultou ferido grave en Leiro cando recibiu un golpe no peito dun pau mentres traballaba no bosque. Ocorreu perto do encoro de Alvarellos ao redor das 10.20 horas.
Ademais, outro operario resultou ferido ao caer unha árbore mentres traballaba nunha granxa en A Fonsagrada. O operario foi trasladado ao Hospital de Lugo.
