A convocatoria de folga da planta de tratamento e recollida de lixo da mancomunicade do Barbanza, con sede en Lousame, desenvólvese este sábado 7 de decembro, ante a “falta de compromisos” por parte da concesionaria, segundo sinalan desde o comité de empresa.
Malia que se agardaba que os avances na negociación evitasen a mobilización, finalmente está a ter lugar na xornada de hoxe. Ademais, o comité advertiu nun comunicado que se a empresa “non move ficha xa no mes de decembro”, a convocatoria estenderase a “máis días durante o mes de Nadal”.
O intento por evitar o paro até o último momento respondeu á consciencia do que supón para a veciñanza unha folga destas características. Porén, após 8 meses de negociación do convenio colectivo, as posición entre as partes implicadas seguen lonxe.
As traballadoras e traballadores exixen o cumprimento do convenio estatal do sector do lixo, que implica un suplemento de tóxicos de 25%, ausente no seu caso.
O paro afecta a un total de nove concellos, entre os que se atopan Ames, Rois, Brión, Lousame, Noia, Muros, Carnota, Porto do Son e Pontecesures.