Até 3 salarios pendentes suman @s operari@s de Cleanet, empresa concesionaria do servizo de limpeza das instalacións dependentes do Ministerio de Defensa.
Após sucesivos paros e mobilizacións, que se prolongan desde o mes de novembro, a empresa e o goberno español continúan sen dar solución ao conflito laboral, embora os incumprimentos de Cleanet permitirían ao Ministerio de Defensa rescindir o contrato, afirman as organizacións sindicais con representación no comité de empresa (CIG-CC.OO-UGT).
Esta segunda feira (29 de decembro) as traballadoras e traballadores volverán exixir o pagamento dos seus salarios, para alén da folga, cunha concentración (10.00h) perante as instalacións deportivas de Campolongo desde onde marcharán en manifestación até a Subdelegación de Goberno.
