Un traballador de 38 anos faleceu esta segunda feira na localidade de Tui despois de caer desde unha carretilla elevadora. O suceso ocorreu no lugar de Ribe, contra as 11.30 horas, nunha nave de materiais de construción e accesorios.
O home, con iniciais M.E.M., atopábase nunha carretilla elevadora cando se precipitou enriba dun palé, segundo veñen de comunicar fontes do 112 Galiza.
O Servizo de Urxencias Sanitarias de Galicia enviou até o lugar unha ambulancia medicalizada de soporte vital básico cun equipo de Atención Primaria. Xa no punto, realizaron manobras de reanimación á vítima, pero non puideron facer nada por salvarlle a vida.
Ademais, tamén acudiron ao lugar do suceso axentes da Garda Civil e da Policía Local co fin de recoller todos os datos relacionados con este sinistro.