O Ministerio español de Traballo vén de facer públicos os dados do paro rexistrado correspondentes ao mes de xullo. Neste senso, as Oficinas públicas de emprego sitúan o número de persoas desempregadas en 216.371 o que supón perto do 10% menos que no mesmo mes de 2014.
A caída, de 12.691 persoas, débese principalmente ás contratacións do verán sendo que o sector servizos é o que maior redución experimenta (-8.694), seguido da industria (-1.601) e da construción (-1.528). En troca, apenas 228 persoas sen emprego anterior terían deixado de ser demandantes de emprego.
Galiza situouse entre os territorios con maior descenso xunto con Andalucía e Catalunya.
No último mes creáronse 13.660 contratos o que supón un incremento do 16%. Neste senso, mantense a temporalidade en máis do 90% das contratacións.
As cifras correspondentes á media estatal sitúan o número de persoas desempregadas en 4,046.276, isto é, 74.028 menos que no mes anterior, o 8,45% menos que no mesmo mes de 2014.