Dous tripulantes están desaparecidos após o afundimento dun barco galego, 'Safrán', en augas francesas. En concreto, o barco, con base no porto de Celeiro, en Lugo, afundiuse na noite deste sábado, a 35 millas de Donostia. Os homes aos que se busca son galegos, un de Burela e outro de Viveiro.
No momento do afundimento, no barco había un total de seis tripulantes, dos cales catro foron rescatados por un pesquero galego que estaba na zona -Os Merexos-, segundo relataron á axencia Europa Press fontes de Salvamento Marítimo. Estes catro tripulantes atópanse en "bo estado".
Os outros dous tripulantes continúan desaparecidos, polo que se despregou desde a noite deste sábado un dispositivo de búsqueda no que participan helicópteros e barcos tanto do estado español como do francés.
