Non é a primeira vez que as brigadas forestais poñen de manifesto as precarias condicións baixo as que se contrata o persoal na Galiza. Desta volta, desde a Brigada de Laza nos contratos a través de empresas privadas dos bombeiros forestais helitransportados.
Nunha mensaxe que percorreu Twitter nas últimas horas, poñen como exemplo dúas nóminas, unha de 1.245,76 euros netos e outra que apenas supera o salario mínimo interprofesional, de 1.099,8 euros netos.
"Benvidos a 2022, a escravitude existe! [Son] dos poucos que co paso dos anos cobran menos", lamentan desde a brigada forestal de Laza, que tamén adxunta as cláusulas adicionais dun destes contratos coas condicións ás que se somete o persoal.
Aquí os mostramos condiciones d compis bomberos forestales helitrasnportados d empresas privadas d Galicia.(Seguramente CyL será parecido...)
— Diario de un Bombero (@BrifLaza) August 22, 2022
Este s su contrato,su convenio,su salario.Bienvenidos al 2022, la esclavitud existe!De los pocos q con el paso de los años cobran menos. pic.twitter.com/kq8tDEMV5Z
Así, a cláusula primeira apunta que "a incapacidade temporal sobrevida durante o período de prueba, así como a folga e/ou ausencia ao traballo interrompe o cómputo do mesmo".
En segundo lugar, a respecto do tempo de lecer, o contrato decreta que "os descansos semanais e a xornada de traballo computaranse por ciclos de dúas semanas, sendo a duración de cada ciclo de 80 horas segundo o horario que dispoña a Xunta da Galiza, que poderá variar en función das condicións climatolóxicas".
Con todo, esta cláusula engade un matiz: "Se ao rematar a xornada de traballo se declarase unha urxencia, o traballador continuará prestando os seus servizos até que os mesmos non fosen precisos ou fose relevado do seu cometido, computándose como horas ordinarias as realizadas en exceso sobre as estipuladas para cada ciclo de traballo".
Aliás, a cláusula décima dispón que, "dadas as particularidades do traballo", o persoal será "obrigado a realizar todas aquelas horas extraordinarias que poidan ter a súa orixe en causas estruturais ou de forza maior".
