Bosch Service Solutions propón a realización dun Expediente de Regulación Temporal de Emprego (ERTE) a máis de 1.300 traballadores durante seis meses. A suspensión afectaríalle ao cadro de persoal co que a compañía conta na área de Vigo.
Así o confirmou a presidenta do comité de empresa, Laura Pérez, quen explicou, ademais, que se espera que a compañía convoque a mesa de negociación do ERTE entre esta sexta feira e a segunda feira da semana que vén para trasladar a súa proposta de forma detallada ás organizacións sindicais.
Servizos mínimos
De momento, sinalou, Bosch informou ao comité de empresa de que conta con que unhas 240 teleoperadoras presten os servizos mínimos, así como que parte desas traballadoras desempeñen as súas funcións a distancia. Deste modo, o traballo dalgúns grupos paralizarase por completo, e o doutros, de forma parcial.
La presidenta do comité de empresa tamén asegurou que Bosch atribúe a toma desta decisión a cuestiones "organizativas" e non a causas de "forza maior", como, ao seu xuízo, correspondería, dada a crise sanitaria actual. Así, Laura Pérez criticou que se propoña o ERTE para un período maior do que se espera que se estenda a situación de alerta, o que xera numerosas "incertezas" entre o persoal.
"Critican que a proposta de BOSCH sexa para un período maior do que se espera que se estenda a situación de alerta".
Ademais, a representante sindical advertiu de que Bosch tamén lle trasladou ao comité de empresa que é posíbel que non se poida garantir o mantemento da "carga de traballo" habitual após esta situación, que prexudicou algúns servizos prestados aos seus clientes. Neste sentido, Pérez indicou, por exemplo, que a suspensión das portabilidades entre compañías telefónicas afectou aos servizos comerciais prestados por parte das teleoperadoras de Vigo.
